Skitur til Eidsbugarden i Jotunheimen

Ein førjulstur og skitur til Eidsbugarden

Då er vi på veg inn i den vestre del av Jotunheimen. På kartet er det nesten eit samanhengande vassdrag tvers gjennom fjellområdet, frå vest til aust. Ser me lengst i sørvest starta Tyinvatnet. På grensa mellom Årdal og Vang kommune. Innerst i vatnet, ved Tyinholmen, er det eit lite eide, så er ein over til Bygdin. Bygdin er eit smalt og langt vatnet. Som starta i vest med Eidsbugarden og i aust ligg Bygdin og Bygdin hotell. Så er det rett over vegen mot Valdresflya og her ligg det neste store vatnet, som heite Vinstre . Om sommaren går det fast båtrute, frå Bygdin til Eidsbugarden. 

Filefjell
Filefjell

Jotunheimen

Namnet Jotunheimen betyr» kjempenes bodsted». Og når ein ser spisse 2000-meters toppar over alt rundt seg, skjønar ein opphavet til namnet.

Starten på vår skitur, blei ein køyretur frå Bergen og inn til Filefjell, der me etablerte oss for kvelden på ei hytte. Både kvelden og natta snøa det lett og temperaturen viste minus. Ski og utstyr var klart, for vi hadde tenkt oss vidare til Beitostølen og Valdresflya. Her var det snakk om og gå på skiløypa på Beitostølen stadion. 

 
Tyin
Tyin og Tyinvatnet
Tyinvatnet
Tyinvatnet og Tyinholmen

Ein rask sjekk på nettet og skisporet.no, gav oss ein gledeleg overrasking, når vi vakna neste morgon. Då blei det køyrt løype innover på austsida av Tyinvatnet, eller den vegen som heite RS 252. Dette er ein sommarveg langs Tyinvatnet og inn til Eidsbugarden og Bygdin. Vegen blir vinterstengt, når snøen kjem. Då blir det også, om forholda tillèt det, køyrt skiløype innover vegen. Det var nettopp det som skjedde denne helga. Me blei det første som tok i bruk sesongens første skiløype innover til Tyinholmen.  

Tyinvatnet
Tyin og Tyinholmen

Tyinvatnet

Vatnet ligg på ca 1000 moh. No var det nysnø og minus 5-6 grader og vindstille. Det gjekk nye klassiske spor innover langs vegen. Perfekt føre og ei god kjensle på sesongens første skitur. Stille og fredeleg, med lyden av ski mot snø. Ei og anna rype som blei skremt opp langs løypa. 

No kom også sola gjennom og spisse fjelltoppar speila seg i vatnet. Eit speilblank og lyseblå vassflate, der du knapt kunne sjå forskjell av fjelltoppen og speilbilde. 

Sjølv om det var sesongens første skitur, kjente det lett ut, i det gode føre, med blå/lilla smurning. Brukte eit par eldre ski, om det  var litt stein og sand som kom gjennom løypa. Etter 14 km, var ein innerst inne i enden av vatnet, det som heite Tyinholmen. Herifrå var det ein lett stigning over eidet og så ei nedkøyring til Bygdin vatnet og Eidsbugarden. 

 
Bygdin ved Eidsbugarden
Bygdin ved Eidsbugarden

Eidsbugarden og Bygdin

Dette var min første tur til Eidsbugarden og Bygdin vatnet, på denne sida. Måtte stoppe fleire gonger på vegen over. Eit så vakkert syn med snøkledde spisse toppar, som omkransa ein blått vatnet. Små skodde bankar som låg mellom fjella og vatnet. Vindstille og urørt snø, ingen andre sport i ein vakker og kvit puddersnø. Så kom ei lang nedkøyring til vatnet og ein stoppa rett utanfor hotellet Eidsbugarden og statuen til Åsmund Olavsson Vinje. Rundt deg over alt, var rein kvit snø og snøkrystall som glensa i sola. Ingen andre spor, alt var urørt og eit glansbilde av nedsnøa hus og høge fjell.

Her var det Åsmund O Vinje, bygde Vinjestova. Etter hans død i 1870, blei den overtatt av Thomas Heftye, som utvida hytta, til det som seinare blei Eidsbugarden. DNT overtok eit av husa til Eidsbugarden som no har navnet Fondsbu. Her står statuen av den glade vandrar. 

Bygdin
Eidsbugarden og Bygdin

Skitur langs riksveg 252

Så var det turen tilbake, på neste 2 mil. Eller totalt ein tur /retur på 3,4 mil. Løypa er lett. Lite stigning og lange flatar.  Sjølv om dette var sesongens første tur, gjekk det greit i det fine føret. Denne helga blei det fleire slike turar innover langs vatnet og til Eidsbugarden. No testa me også felleski, på dette føret. Eit par Redstar Skintec, fungerte også bra. Bra feste, men kanskje litt mindre gli.

Den tredje dagen, var det eit vêromslag. Litt vind og lett snødrev innover den opne fjorden. Isen hadde ikkje lagt seg enno, men no var det meste baka inn i eit grått lys og fjelltoppane skjulte seg bak lavt skydekke. Sjølv i vind, snøbye og gråvêr, gjorde det godt med ein tur. Men no var det tilbake til hytta og pakke i bilen. Takka for denne gong og lengte til neste skitur.

Bygdin
Bygdin rutebåt
Tyinvatnet
Tyinvatnet

One thought on “Skitur til Eidsbugarden i Jotunheimen

Legg igjen en kommentar

Din e-postadresse vil ikke bli publisert.